上回講到我學左兩堂，希望可以連續游到500米。後來証實左係妄想…我而家連連續游200米都有困難。

其實唔係教練差，堂堂一對三教學，點都學到d野，只係自已太習慣蛙式，好多動作要慢慢改……

於是堂堂都晌度練分解，有時唔駛上堂都會去泳池練下的。多d練習，咁又真係會又有領悟o既，慢慢先掌握到自由式係點游。

自由式真係同蛙式好唔同的，腿同腰用力的肌肉係完全唔同的，所以又要慢慢練返d肌肉去做自由式的動作。

今日已經學左第13堂喇，先至比教練話ok，可以開始比（其實係迫）我唔停咁游，但係游200已經無左氣，扯晒蝦咁。

不過我一定會堅持的，有咩理由蛙式可以游到1k，自由式連200都游唔到架，我真係過唔到自己果關喎。