但係，我鍾意同機器講野o既習性又再次浮現。

買左架車，唔同佢傾下計、溝通下，實在係好似養左隻貓，但又唔理佢咁，好過意唔去，咁就間唔中開下架車。但而家仲係新界仔，唔夠膽出香港島。

到而家差唔多一年，最煩係要搵地方洗車，都唔知拎去邊度洗先好。我鐘意自已洗，因為可以順便睇睇架車有咩唔妥。耐何一直搵唔到水喉，次次都要去偏闢公厠，抽住一桶桶水出黎洗，淨係擔水都已經可以攰死左，仲要洗車、打蠟，結果成個幾兩個月先洗一次車，污糟到自己都頂唔順。

最近仲大鑊，有次泊左響樹蔭底下一晚，結果第二朝成車樹汁漬，捽極都唔甩，結果又一排無洗。

今日終於的起心肝，去洗車！唉 d 樹汁漬真係超難洗呀.......捽左前後夾埋兩個幾鐘，先叫做洗左大部份漬（我架係錢七，所以唔理咁多，一於捽捽捽！）

洗完已經天黑，無時間用半粗蠟做打磨，唉！下個星期再做！