由於套鼓係平平地台灣貨，同埋上手仁兄都買左一段時間，雖然鼓皮好新，但隻鼓都幾多塵下。同埋電鍍位都有少少生鏽︰

咁係因為上手只係用濕布抹，就更加快生鏽。我決定搞搞佢……

(閱讀全文)

(閱讀全文)

由於自已完全無音樂底，好多時基本樂理都一竅不通，又唔識睇鼓譜，練習果時好多野都唔係好明。

為左明多 d 同鼓有關o既樂理，於是又膽粗粗，走去報流行鼓班。學落先知，原來洋鬼子鼓，係複雜好多o既，左手郁一下、右手郁兩下、左腳踩實、右腳踩一下、又有時要踩兩下……總之手腳完全唔協調，痴晒根咁。

現在仍然覺得ok好玩，暫時未有放棄o既打算，所以呢，除左游水同玩車車之外，我又多左一個嗜好o勒~~~

呢個係大學畢業生的福利之一，可以晌一個50米奧運標準池游。

游到就黎收池，全個池得我同另一位外藉人士，而且呢，又只得我一個在苦戰中（做緊耐力訓練，每50米中間休息20-30秒）游到氣羅氣喘……

突然，遠處傳來一句英文︰Good swimmer！Very good form! (即係話個姿勢好靚....咁我都同意，因為無實際吖嘛~~~)

我以為咩事，原來距離我8條泳道的鬼佬向我大叫……真係嚇親.....不過原來佢覺得我游得好好，忍唔住讚下姐....真係有心，隔左8條「街」都嗌過黎！哈哈哈！ 跟住開心左半日。

頭先去左另一個25米室內池游返，弊！由於一直游50米都太hea，而家游25米速度竟然慢左，1分10秒先游完一個來回(即是50米），真係弊。後尾集中精神練返幾百米，先游得返1分7秒，但距離兩個月前在師父迫逼之下的57秒，仲有一大段距離。下次見到師父點交待呢……

蝶式又係，由於太hea關係，扶板打腿竟然連25米都做唔晒，要停低透氣，咁點會有進步呀！

好驚呀！ 仲有轉turn未練過呀！點算？

一‧晨運客
相信大家如果早出門口返工返學的話，都會見過晨運客做諸如太極、羽扇舞、健身操等運動/動作。
同樣，泳池也有晨運客。
出沒時間︰早上七時至八時；
出沒地點︰訓練池。
其他時間也有少量，但分散在主池各區。
特徵︰唔游水，但在水中做出各種趣怪動作，例如彈跳、拍水、打跟斗、步行、向後步行、把腳「掛」在池邊拉筯、扮踩單車腳。通常三五成群，習慣完事後吹水直至水很凍，然後結伴上水，往茶樓飲茶。由於經常吹水多過游，加上愛吃茶樓點心，又由於年紀大，新陳代謝減慢，所以一直無法減肥，對於自己的大肚腩一直耿耿於懷，但又不會作出處理。

(閱讀全文)

(閱讀全文)

(閱讀全文)

今年的願望︰

學多d 野 （因為運程書話我今年學野會特別快~~~）係咪要考慮下報PhD呢......但我又想學西班牙話喎、不過考埋貨車牌同電單車牌好似都好實際喎。

(閱讀全文)

所以忽發奇想，報下 d 冬季泳班，當練下水咁，順便睇下有無機會比教練執執自己的游水姿勢。

先搵康文署，嘩，10月底原來已經無得報11月和12月的泳班，全部額滿，痴線的！

再望望九龍港青的泳班，唔，時間又不是太合適，地點其實又不太就腳，仲要除開平均100蚊一堂，又貴左少少。

之前問過報過工聯會泳班的人，佢話上過幾次，教練次次都唔同，不過又話如果我只係想有一條無乜人游的泳線游下，又對教練無咩要求的話，其實無所謂，好，咁就決定報工聯會啦。

(閱讀全文)

於是電腦裡面的好書不斷累積，卻沒有時間把它看完。

最近正在研究，重金購入一部電子書閱讀器， Sony PRS-505

(閱讀全文)

這首詩一直貼在辦公室角落， 每次經過都會看幾遍……很多句，在今天仍然適用，甚至更適用！

作者是 Joyce Stevens 這首詩首次刊登在1975年的 Women’s Liberation International Women’s Day Broadsheet

• Because our work is never done 因為我們的工作永遠做不完

• and under or unpaid or boring or repetitious 既低薪、又沉悶和重覆

• and we’re the first to get the sack 我們總是最先被解僱

• and what we look like is more important than what we do 人們只會留意我們的外貌，而不是我們的才能

(閱讀全文)

有人把幸福等同安享晚年—於是要儲錢，買保險，為退休生活打算。

有人把幸福等同組織家庭、生兒育女—於是找個人結婚，趕快生個孩子、請個菲傭照顧起居，為之幸福家庭。

於是想著退休的，由於現在拼命賺錢，未到退休己經百病纏身，又或者，退休後發現，自己除了上班賺錢外，其他什麼也不懂、也沒有什麼朋友。

而想著幸福家庭的，卻發現自己原來討厭安定，嚮往玩樂。結果面對的是一樁食之無味，棄之可惜的婚姻，還要煩惱怎樣跟自己所生的孩子交待。

這兩個故事教訓我，有錢不等如幸福，家庭亦不一定適合所有人，單身不等如孤獨。

好像很老生常談，但當它是發生在自己眼前的時候，又不得不作此感嘆。